Hundafimiprófið gekk ekkert súpervel, það var einn hundur í einu sem fór í gegnum prófið og þegar kom að okkur Hulla byrjaði þetta vel, ég var rosalega ánægð með hann þar til hann átti að fara í 3ja síðasta tækið þá stoppaði minn bara og fór að skíta í rólegheitum Það var dáldið vanræðalegt, en auðvitað var þetta líka mér að kenna að vera ekki búin að taka góðan göngutúr áður svo hann væri búinn að klára þennan pakka. Jæja svo á mánudaginn var sýningarþjálfun kl 19, ég ákvað að fara með Hulla upp á rauðavatn svo hann gæti migið og skitið nóg og fengið dálitla útrás áður. Ég var mætt korteri fyrr á staðinn og ákvað að labba aðeins með Hulla fyrir utan til að róa hann niður. Það gekk bara vel, hann var hættur að reyna vesenast í hinum hundunum en leið og stelpan mætti sem ætlar að sýna hann og hann fékk athygli frá henni fór hann að láta eins og kjáni. Hún fór með hann inn og ég passaði að hann myndi ekki sjá mig inni en fylgdist samt með. Stelpan sem var með hann á tík og Hulli þefaði og þefaði af henni og reyndi svo ítrekað að míga á hana Sem betur fer var hann búin að míga svo mikið að hann gat ekki meir, en ég var farin að skammast mín fyrir hann og var alveg viss um að stelpan myndi henda honum í mig og ætla ekki að sýna hann. Hún kom samt til mín eftir æfingu og sagðist fara með hann aftur næsta mánudag Æ þetta kemur bara í ljós hvernig þetta fer, kannski verður maður bara að leifa honum að klára þessa blessuðu gelgju áður en hann veður sýndur.

Hann er bara heppinn hvað hann er sætur annars væri ég örugglega búin að gefa hann
Nei mér þykir svo vænt um þennan kjána og hann getur alveg verið þægur og góður af og til

Það er allt búið að vera á fullu undanfarið, aðalega þá í að vesenast með hundinn. Erum búin að vera með hann á hlýðninámskeiði og svo í hundafimi líka. Síðasti tíminn í hundafimi er á sunnudaginn og þá er próf, ég er bæði spent og kvíðin fyrir því Hulli hefur verið að standa sig rosalega vel og þetta er mjög skemmtilegt, það er aðalega ég sem er að klikka, er ekki nógu fljót að hlaupa eða að gefa honum skipun. En ég held nú að ég sé að verða nokkuð klár og ég trúi ekki öðru en að við munum rústa þessu prófi Mig langar dálítið að biðja Eyka um að koma með og taka þetta upp á videó Svo verður Hulli sýndur núna í endan júní, stelpa sem er búin að bjóðast til að sýna hann fyrir okkur og ætlar á mánudaginn með hann í sýningarþjálfun. Ég er samt dáldið hrædd um að hún hætti við útaf æsingi í honum En þá reyni ég líklega bara að sýna hann sjálf.
Vá hvað ég get ekki beðið eftir að fara í sumarfrí, það er tæpur mánuður þangað til Við Eyky ætlum að vera rosalega dugleg í útilegum og gönguferðum. Stefnan er líka að fara leggjabrjót helgina 13-14 júní með Hulla og gista jafnvel á þingvöllum. Svo langar okkur rosalega að fara Hornstrandir og fleyra í sumarfríinu. Mig langar líka svo að fara þarna á vestfyrði ég hef aldrei komið þangað
En jæja vinnan kallar, var bara að stelast smá

kv.
Heiða

Ég hef oft velt fyrir mér hvað væri lagið okkar Eyka, eitthvað sem passar við okkur. Svo fattaði ég það fyrir ekki svo löngu, við erum oft að metast og þá sing ég stundum lagabút sem ég heyrði í einhverjum þætti. Eyky bað mig svo um að ath hvort ég fyndi lagið sem ég gerði og þetta passar svoo við okkur 

Ég er eiginlega bara alveg hætt að fara í tölvuna eftir að ég kem heim úr vinnunni og ef ég fer í tölvuna þá fer ég yfirleitt inn á fésbók og geri ekki rass eða kíki á hundaspjallið Ég er bara ekki mikið fyrir internetið orðið, núna er ég komin með svo mikið af áhugamálum, ekki það að ég hafi ekki alltaf verið dugleg í að finna mér ný áhugamál. En það nýjasta hjá mér er að prjóna Það eru reyndar komnir alveg 3 mánuðir síðan ég keypti prjónadót, það voru svona tátiljur með dönskum leiðbeiningum og ég skildi bara ekki neitt hvað ætti að gera. Ég hef náttúrulega aldrei séð svona prjónaleiðbeiningar áður og ég hef ekki prjónað síðan ég var 11 ára og það eru 13 ár síðan Þannig að ég gafst upp á þessum tátiljum en var samt ekki tilbúin að gefa prjónaskapinn upp á bátinn og dró mömmu með mér inn í Handprjónasamband Íslands og þar tók á móti mér þessi i
yndælis kona sem sagði mér bara að prjóna peysu Hún lét mig fá allt í það plús leiðbeiningar og sagði að ég væri velkomin þangað ef ég lenti í vanda. Sara vinkona er líka byrjuð að prjóna, við stelpurnar sem vorum alltaf saman í grunnskóla hittumst alltaf einu sinni í mánuði og ákváðum að stofna saumaklúbb Þannig að Sara og mamma hennar hjálpuðu mér af stað, kenndu mér að prjóna slétt og brugðið svo ég er komin vel af stað með peysuna mína sem by the way á sko að vera rend Svo í hvert skipti sem ég lendi í vanda með eitthvað þá hleyp ég bara á allar kellingar og bið um hjálp, mæti með dótið í vinnuna og fékk aðstoð frá einni þar Þetta gengur reyndar dálítið hægt hjá mér en ég ætla mér þó að klára vonandi fyrir páska
Annars hef ég verið að reyna mest að einbeita mér að hundinum okkar honum Hulla sem þarf voða mikla athygli. Þetta er algjör ærslabelgur sem getur gert mig alveg geðveika oft á tíðum. Ef hann fær ekki nóga hreyfingu verður hann svo æstur að hann ræður ekki við sig, hangir í taumnum þegar maður fer með hann út og reynir að synda áfram í stað þess að labba. Ég tók upp á því í þarsíðustu viku að vakna milli hálf 6 og 6 til að fara með hann í 30-60 mínútna lausagöngu áður en ég færi að vinna og svo fór annaðhvort okkar Eyka með hann út eftir vinnu meðan hitt eldaði. Við fundum mjög mikinn mun á honum, hann var miklu betri. Ég hef reyndar ekki gert þetta alla morgna en ég ætla að reyna að gera þetta sem oftast, reyna líka að taka annaðslagði nammi með og gera æfingar. Við erum reyndar búin að skrá okkur á framhalds- hundanámskeið sem við vonandi komumst á í vor. Svo eftir það langar okkur að fara með hann í hundafimi þar sem hann þarf að hlaupa í gegnum alskyns hindranir og gera þrautir. Hulli er alveg duglegur hundur og hann getur alveg lært, hann kann alveg eitthvað af trikkum og ég fer stundum með hann á rólóvöll þar sem ég læt hann hoppa yfir hindranir hlaupa í gegnum rör og upp í kastala og niður rennibraut og hann gerir þetta allt óhræddur. Þannig að ég held að hann verði bara mjög gott efni í hundafimi, hann þyrfti bara helst að róast aðeins því hann vill helst gera öll trikkinn í bókinni í einu. Þegar hann sér mig halda á nammi þá sest hann án þess að ég segi neitt og ef ég sýni engin viðbrögð þá leggst hann, leikur dauðan, heilsar, snýr sér í hring o.fl. allt á einni millisekúndu Svo hann er jú mjög viljugur

En jams og jæja ég ætla að fara drífa mig heim, er ennþá uppi í vinnu og villingurinn er einn heima.

kv.
Heiða

Vá hvað er langt síðan ég kom hérna inn, ég veit líka ekki hvort ég þori að vera að blogga þar sem krakkarnir í vinnunni eru alltaf að tala um hvað blogg eru asnaleg En ég var að skoða gamlar bloggfærslur og það er soldið gaman að lesa það sem maður var að gera fyrir ári síðan eða meir og þessvegna er ég að spá í að blogga annarslagið. Mér er alveg sama hvort einhver lesi þetta eða ekki, ég ætla bara að gera þetta fyrir sjálfa mig

Það er sko helling búið að gerast síðan ég bloggaði síðast, þá var ég eitthvað að kvíða því að verða 24 ára og hlakkaði bara ekki neitt til afmælisdagsins. Ég var búin að segja við Eyka að hann mætti alveg fara á frumsýningu James Bond sama dag því ég væri sko bara ekkert spennt fyrir þessum degi. Var í einhverju þunglyndiskasti því aldurinn væri að færast yfir En svo kom afmælisdagurinn og ég vaknaði kl 8 þar sem ég var að fara að vinna kl 9 og þegar ég hleyp fram að slökkva á vekjaranum segir Eyky að ég ég geti snúsað aðeins lengur. Ég var svona pínu stressuð því ég þarf nú yfirleitt meira en klukkutíma til að gera mig til fyrir vinnu. En ok ég leggst upp í og hann tekur síman og segist ætla að endurstilla hann, snús í 10 mín. Svo ligg ég þarna í smá stund alveg að sofna en fer að  hugsa, er ekki komið meira en 10 mín? Ég bið Eyka um að rétta mér síman til að ath hvað kl sé en hann segir "nei þú þarft ekki að vita það" og ég bið hann vinsamlegast um að láta ekki svona því ég vilji ekki vera of sein í vinnuna, það væri föstudagsfundur kl 9 og ég vildi ekki missa af honum. Þá segir hann við mig að ég sé í fríi og hann líka og ég segi "nei láttu ekki svona, komdu með síman" og við förum að þrasa smá um þetta. Sko Eyky er ekki mikill morgunhani og hann á það til að segja einhverjar svona vitleysur ef hann er mjög þreyttur en svo sagði hann við mig "Heiða þetta er orðið vandræðalegt, þú ert víst í fríi í dag og ég spyr hann hvort hann sé alveg viss, hvort hann hefði talað við yfirmann minn og hvenær hann hefði gert það (já ég er erfið  og þverhaus ) En loksins fór ég að trúa honum En ég var sko orðin glaðvöknuð og gat ekki sofnað aftur, eins og planið hafði verið, að sofa út. Svo við fórum á fætur og hann bauð mér út í bakarí og svo í ljós. Svo kíktum við aðeins á mömmu og fórum svo heim þar sem hann sagði mér að taka til handklæði og að ég þyrfti að vera snyrtilega klædd Svo tók hann hundinn og keyrði hann til vinar síns í pössun og lagði af stað útúr bænum. Ég vissi ekkert hvert við værum að fara. Mér fannst þetta ekkert smá skemmtilegt og spennandi. Hann hafði pantað gistingu á Hótel Geysi og þegar við komum þangað opnuðum við freyðivín og fengum okkur osta og svo áttum við pantað borð um kvöldið á veitingastaðnum. En þar sem ég hafði drifið okkur á fætur svo snemma vorum við komin þangað líka aðeins fyrr en hann ætlaði sér svo við tókum bara smá kúr þarna Þegar ég var svo búin að gera mig til fyrir matinn og við vorum að fara labba út segir hann við mig "Heiða manstu í gær þegar ég sagði við þig að mig langaði til að verða besti kærasti í heimi, þá var ég ekki að segja alveg satt. Mig langar nefnilega að verða besti unnusti í heimi og síðan eiginmaður" Svo fór hann niður á hné, tók upp hring og spurði "Viltu giftast mér?" Ég held hann hafi ekki verið búinn að sleppa orðinu þegar ég var búin að segja já Svo fórum við í matinn og þetta var skrítnasti matur sem ég hef fengið en samt mjög gott. Við fengum 5 réttamáltíð sem var reykt gæs með osti, lax með rúgbrauðsskel, nautakjöt með hvítkálsböggli og inní honum var saltkjöt og baunir (sem var rosalega gott), tómatstaup og tómatar, ostar og kex og svo í eftirrétt fengum við ábregstur með rabbabarakaramellu. Þetta var mjög skemmtilegt upplifelsi að smakka þennan undarlega samsetta mat
Þessi dagur og þetta kvöld var æðislegt, þetta var allt svo fullkomið. Ég hafði allt eins búist við að vera að fara á James Bond þetta kvöld en í staðinn fékk ég algjöran draumadag bara eins og ég væri í bíómynd.

Á leiðinni í bæinn á laugardeginum hringdi ég í mömmu, hún var alveg að rifna úr spenningi. Eyky hafði nefnilega beðið hana um hönd mína þegar við kíktum á hana daginn áður Mamma var ekkert smá stolt af honum fyrir það, ég held hann hafi ekki getað skorað fleiri stig hjá henni Hún var svo ánægð með þetta að hún bauð í veislu, hún var sko ekki að halda afmælisveislu fyrir mig, nei hún var að halda trúlofunarveislu

jæja nenn'ekki meir í bili, ætla að fara að taka úr þvottavél og gera eitthvað hérna

kv.
Heiða

ég á svosem ekki von á því  En ég framleiði allavega nógu andskoti mikið þessa dagana til að verða mjög rík ef einhver myndi vilja fjárfesta í því. Ég er semsagt veik, svo fjársjúk að ég meikaði ekki að mæta í vinnuna í dag. Búin að liggja upp í sófa í svitakófi hóstandi, snýtandi mér og hnerrandi eins og ég fái borgað fyrir það (sem ég fæ því miður ekki). Ef það er satt að maður drepi nokkrar heilasellur þegar maður hnerrar þá hlít ég að vera búin að fremja fjöldamorð í gær og í dag Svo kom Eyky heim úr vinnunni kl 16 og spurði veiku mig hvort ég vildi koma og kúra og ég var til í það en svo gat ég ekki sofnað, svo nú sit ég ein frammi í stofu meðan hann steinsefur. Ég ætla sko að vekja hann á eftir og fá hann til að fara og kaupa eitthvað sóðalega gott að borða Annars er ég búin að borða alveg mjög góðan mat í dag. Í morgunmat fékk ég mér kakó súpu og í hádegismat/kaffi fékk ég mér Naanbrauð með tikkamasala, mango cutney og sýrðum rjóma. Það er alveg sjúklega gott 

Ég er búin að vera að velta fyrir mér í nokkurn tíma að byrja aftur að blogga, er búin að opna þessa síðu nokkru sinnum, skrá mig inn en svo beila ég alltaf. Það er bæði vegna tímaleisis og vöntun á nenni.

Vá hvað ég hlakka til að fara í frí!! Það verður æði að geta legið bara í leti, vakna bara þegar maður vaknar en ekki vera vakinn með látum af Hulla litla milli 5 & 6 á morgnana. Annars þá fékk ég þvílíkan aðskilnaðarkvíða í morgun þegar ég fór að hugsa um að ég væri að fara frá honum í heila viku og var alveg miður mín Við Hulli fórum að labba upp Esjuna í morgun, fórum nánast alla leið upp að Steini en ég var bara svo illa klædd og það var alveg brálað rok og haglél svo ég ákvað að fara ekki upp skriðurnar. En annars er ég alveg að farast úr hamingju yfir hvað ég er komin í gott form, ég fann ekki fyrir þessu og hefði alveg getað haldið áfram.

Í dag er síðasti dagurinn minn í þjónustuverinu og þetta er síðasti rauði dagur sem ég vinn EVER Nema náttúrulega að ég taki aukavakt eða fari einhverntíma aftur að vinna vaktavinnu Ég er búin að ákveða að taka 2 áfanga í kvöldskóla í vetur, ætla að taka íslensku 403 og ég hugsa að ég taki sálfræði 203 er samt ekki alveg ákveðin með það. En ég á bara 2 áfanga eftir í íslensku þannig að mig langar að klára hana fyrir næsta sumar
Í gær bauð Sigrún uppá búninga og hjálpartækjakynningu í Adam og Evu. Hún er nefnilega að fara að halda upp á 30 ára afmælið sitt, það verður risa veisla og þemað er Movie Star. Þannig að það eiga allir að vera klæddir upp sem einhver karakter úr bíómynd. Ég mátaði einhverja búninga þarna og það var einn sem ég fílaði en mér fanst hann of dýr miða við hvað hann var efnislítill Þannig að ég keypti ekki neitt. Ég veit líka ekkert hvað ég á að vera. Eyky er að hugsa um að vera Han Solo úr Star Wars þannig að ég var að spá hvort ég gæti ekki bara verið Princess Leia
  
Nei ég held ekki...
úff ég veit ekkert hvað ég á að vera...
það eru alveg 2 vikur til að ákveða
Jæja ég er að hugsa um að fara koma mér úr vinnunni, það er ekkert að gera

Ef þið eruð með einhverjar uppástungur megið þið endilega láta vita!!!

kv.
Princess Heiða

Ég hef bara ekki haft tíma til að blogga í heilan mánuð og ef ég hef haft tíma þá hef ég ekki nennt því Ég er búin að vera þvílíkt dugleg að massa'ðað í öskjuhlíðinn Fer alltaf þangað á morgnana með hundinn með mér og skokka, geri armbeygjur, upphífingar og tegjuæfingar. Mér finnst svo rosalega leiðinlegt að fara í líkamsræktarstöð en ég er að fíla þetta í tætlur Ætla sko að vera mössuð í drasl og köttuð í rusl þegar við Eyky förum til Krítar eftir rúmar 2 vikur. 

Ég er búin að vera að spá mikið í fuglum undanfarið, hef alltaf haft ágætis áhuga á fuglum. En ég hef verið mikið uppí öskjuhlíð með hundinn að undanförnu og þar eru litlir fuglar sem ég hafði ekki séð fyrr en þá og ég hef mikið velt fyrir mér hvað þeir heita. Ég tók mynd af þeim og spurðist fyrir um þá og komst að því að þeir heita Auðnutitlingar (smellið á nafnið til að sjá myndina mína  )

Ég var alveg massa dugleg um helgina Á laugardaginn fór ég upp að garðarholti og labbaði þaðan niður í fjöru með hundinn. Við vorum úti í alveg 2 tíma sem er reyndar alveg 2x of langur tími fyrir svona hvolpaling. Ástæðan fyrir að við vorum svona lengi er því ég hafði stolist með hundinn í gegnum kirkjugarð, henti honum yfir grindverk og hoppaði yfir sjálf. Síðan er ekkert hægt að fara uppúr fjörunni því það er allt afgirt þarna og bara sveitabæjir og brjálaðir hundar. Þannig að eftir langt labb meðfram ströndini var litla greyið farið að væla af þreytu og labba á milli fótana á mér

Um kvöldið ætluðum við Eyky á Broadway en þar sem hundurinn hafði nagað uppáhalds sparískónna mína og ég vissi ekki hvaða fötum ég gæti farið í, var ég bara með ljótuna og í fílu. Þá stakk Eyky uppá bíó og ég var til í það, þá gat ég bara verið í strigaskóm og semísæt Við fórum á "Forgetting Sarah Marshall" og það er bara rosa góð mynd, mæli alveg hiklaust með henni. Hún er líka góð fyrir stráka, sætar og flottar gellur í henni en bara kjánalegir gaurar

Á sunnudaginn vaknaði ég svo um 8 og fór með hundinn uppí Heiðmörk, röltum um í tæpan klukkutíma, ég vildi ekki ofgera honum aftur Síðan fór ég heim og skilaði honum og skelti mér svo í golf. Ég var bara nokkuð sátt við árangurinn miða við að hafa nánast ekkert spilað síðustu 2 sumur, en núna verður sko bætt úr því Ég var líka að prófa 3 tréð mitt sem ég fékk í afmælisgjöf og ég er ekkert smá hamingjusöm með það Núna er ég alveg óð í að fá mér nýtt sett, glatað að vera með einhverjar ozone druslur og eiga King Copra trékylfu í sama poka Hehe ég held að enginn sem les bloggið mitt hafi nokkurt vit á golfi

En jams, ég ætla ekki að röfla meir, farin í kúr með Eykanum mínum. Á morgun eigum við eins árs sambands afmæli Við erum búin að bjóða foreldrum hans og mömmu í mat. Ég hlakka rosalega til, bara spurning hvað maður á að hafa í matinn

Kannski ég kíki aðeins á hvaderimatinn.is áður en ég fer í kúrið

 Eitt svona krúttlegt að lokum:

; text-decoration: underline; ">

Michael Cera Anyone Else But You Lyrics

Uppáhalds Ólinn minn á afmæli í dag og mér er ekki boðið í afmælið hans
En mér er alveg sama, mér þykir samt alveg endalaust vænt um hann og vona að hann eigi góðan dag í dag (Óli er sko gaurinn í rauðu skyrtunni )
Til hamingju með daginn Óli minn Heyri í þér á eftir